Era reflexologia , qu'èi aquò? avant-díser.

Qu'ei avut era idea de parlar d'ua activitat que practiqui dempuish quauquas annadas a costat dera mea activitat diurna de podològ (e dera mea activitat vresperau de linguista e, qu'ei atau, qu'estudiei d'autes còps era lingüistica e quauquas lengas ara'universitat), un biais d'olbliga'm a parlar de tot, e perqué non dera art de hàser/har tot çò de bon dab mans tath còs uman a travès deras manipulacions deths peths.

Era reflexologia , seriósa o non deth punt de vista scientific, qu'ac vòli nat díser arren aciu-dessús, sonque parlar d'ua activitat agradiva , d'ua practica de santat non medicau, naturau, creada entà previéner ed ahortir er' imunitat de cara (facia) aras agressions dera vita vitanta e disfonccionaments leugèrs der'organisme.

Aquò, en mèi d'aquò, que'ns ajudarà tà tribalhar sus era lenga gascona dera descripcion deth còs uman, tan com sus era lenga gascona dera sanetat (o santat), un pretèxte entà tribalhar eth riquèr dera nosta lenga.

Tots eths conselhs (de preferéncia en occitan, català, castellano , português, italiano o româna, lengas romanicas meridionaus qu'aimi, que seran hèra plan viénguts entà corregir quauquas decas que poderian subviéner tath hiu dera redaccion deth blòg).

Era mea tecnica dera reflexologia qu'arrepauseish sus eths tribalhs deths metòds Bayly (UK) que hòu discípol d'Eunice Ingham e d'Elipio Zambòni (Italia) e continuadors dens era art de practicar.

Era reflexologia qu'èi ua tecnica manipulativa ad origina empirica , que cau ac díser, de benestar, hèra anciana, desvolopada a partir d'ua practica de massatge e presssura zonaus dab eths dits ed eths poçs sus eras paumas deras mans e plantas deths pès.